音樂劇《四川好人》歌詞

作曲及編曲:高世章
作詞:岑偉宗
 
〈四川好人〉
老王 我擔水去賣多轉 四川苦偏不賣錢
  年年月月人窮物賤   你話我點算
  信心都跌落底線 四川苦不知蜜甜
  寒涼熱毒窮途路絕 腰骨都就斷
  拜蒼天叩問點算 看蒼生通通殘存
  人人又話神明實在已落到四川
  我一心四面打聽 四邊搵呢班神明
  祈求但願神明露面 即刻俾我撞見
  神或仙變徂臉 滄海等到變桑田
  神或仙見一面 時來運轉蛻變
  往東走我未睇見 往西走得幅爛田
  前前後後蓬頭垢面 工廠邊發現 煙館邊發現
  東奔兼且西撲都不見
三神仙 嘩 嘩 嘩
  雲中三仙走足三千天
神仙甲 要領教世間惡定善
神仙乙 尋好心者見見
神仙丙 將佢報告去上天
神仙甲 雲中三仙走幾多鄉村 市鎮裡見識世面
  人心經已變 雖則識堆笑面
三神仙 雲中三仙走足三千天 卻見到世間太偽善
神仙乙 隨街多詐騙 一街超級大老千
神仙丙 雲中三仙只得一支煙 駁駁下過鄉與落縣
  窮山都看遍 好心的不見半件
三神仙 今次 終於進入四川
  心想 求善良人會露面
  一個 好心過入世觀音
  佢要 善良自愛有尊嚴
  雲中三仙走足三千天
  腳軟軟最想喫箸麵
  床鋪溫也暖 今晚冚返塊毛氈
老王 眾仙家你哋好嗎 咁辛苦先飲啖茶
  勞勞累累圍埋坐下 我為你哋去攇下
  四川府聽候尊駕 接風者多得如麻
  人人但願神明露面 東家想接待 西家都盼待
  家家都等緊我通知㗎
神仙甲 呢個 都幾老實夾真心
神仙丙 等等 有岔錯唯你是問
神仙乙 觀察 姑且當住佢真心
三神仙 信住佢 面前係個好心人
老王 神仙 拜訪你 先生請你快開門
伯父 即刻躝屍即刻躝屍咪再混吉
  即刻躝屍即刻躝屍咪再混吉
  即刻 躝屍 休得 放屁 盡快 誃誃誃誃誃誃誃
老王 神仙 拜訪你 依家請你快開門
艷女 使乜心急使乜心急嗍兩啖煙
  即刻升仙即刻升仙嗍下大煙
  先生幾位 恰恰有貨 新鮮 整返口先吖
老王 神仙 賜福你 真好彩你貢出嚟
  嚟啦 去府上 然後住一兩晚
彪漢 點解依家點解偏偏我咁著數先
  多多街坊點解偏偏佢冇著數先
  鬼知乜天仙 鬼將我騸
  好心 躝開啲
三神仙 睇怕 呢一次入四川
  得個吉 無善良人會露面
  一樣要 搬屋似孟母三遷
  我哋信 善良係廢井荒田
彪漢 點解依家點解偏偏我咁著數先
  多多街坊點解偏偏佢冇著數先
  鬼知乜天仙 鬼將我騸
  好心 躝開啲
三神仙 雲中三仙走足三千天 要領教世間惡定善
  尋好心者見見 將佢報告去上天
  誰知三仙認真心都酸 領教到世間惡定善
  人心經已變 雖則識堆笑面
  雲中三仙走足三千天 腳軟軟最想喫箸麵
  床鋪焉處見 今晚棲身得去焉
  雲中三仙走足三千天 領教澌世間太偽善
  窮山都看遍 好心的不見半件
老王 我一心四面打聽 最終竟一單未成
  人人撞面搖頭擰擰 你話我有幾㷫
  往東走照例不應 往西走一般實情
  前前後後毫無動靜 東街鬼咁靜 西街都咁靜
  呢一班百姓
四川人 點解偏偏要我係我先 點解偏偏佢冇著數先
  小心啲冇錯 入局問誰憐
  入局就犯賤
〈仰望明天〉 
沈德 未信是真 但這麼迫真 今天有這福份
  若這是真 誰贈我福蔭 天空再不晦暗
  每夜床邊 我心冷寂 餘溫消散 只有壓迫
  繼續沉溺 更多壓力 人生方向 掌控無力
  在那最遠最暗的街角 站了過去破碎的我
  是否甘心隨命數發落 街燈裡笑面誰望
  往事如煙 決心了斷 無須追悔 不再眷戀
  仰望明天 看地平線 新生活誰望見
  別了最遠最暗的街角 附託到我這雙肩膊
  用一雙手成就這願望

 

孤身我上路前望

  我願明天 至真至善 良心一片 不要破損
  仰望明天 看地平線 新生活能實踐
〈表哥歌〉 
沈德 露宿受凍又無助 白粥落肚就唔餓
  曾有你關照我 舟濟我過窮年 全靠你先至有我
  在生活最壞時候 係出力救命時候
  能去救都去救 煙店裡再停留 俾佢哋有氣抖
木工 邢氏承諾貨架裝好 會一炮清澌尾數
  為何邢氏約好交錢 卻偏要走我嘅數
  隨後接手你入嚟 舊債一概未還
  數目全部咁多 連隨畀返我
  無謂再拖再扮傻 或脀一句奈何
  眼淚流住唱歌 仍然必須畀錢我
老妻 有問題 問老表
老漢 佢並唔係嘢小
老妻 佢份人係有橋 超出意料
老漢 夠辣如辣椒
老妻 夠毒如毒梟
老漢 你若然重咁囂 實等衰 實中招
侄子 表哥哥 可拘禁你 擗你去哈爾濱洗雪地
老妻 其實阿表哥哥 搵刀切你 擗去餼雞餵狗肥又美
侄子 表哥表哥表哥表哥 造定花圈送贈你
  表哥哥 可閹割你 令你慰妻變得失趣味
老妻 其實阿表哥哥 搵針插你 令你氣促斷筋同斷臂
侄子 表哥表哥表哥表哥 實在應該嚇壞你
  表哥哥 好多武器 重有爆樽破缸的秘技
老漢 其實阿表哥哥 一槍送你 令你爆開腦囟而絕氣
三人 表哥表哥表哥表哥 袋住一包暗器
梅珠 承諾明日會搵擔保 我先信得過你噃
  其實承諾要搵擔保 我先至簽約㗎噃
  唔係要一個熟人 定要一個巨人
  信譽如若太差 難承租㖭噃
  從座向數到地頭 位置都算上流
  阿茂嚟問放租 名人擔保先租到
  如若明日冇位擔保 舖位有都會變冇
眾人 我哋唔係老表 有問題但冇橋
  借助奇異老表 亂咁吹就有橋
  表哥表哥表哥 表哥哥好多武器
  表哥哥好識處理 去幫你開天劈地
  表哥哥都幾惜你 你搵佢自然合理
  表哥表哥表哥表哥表哥
眾人 表哥哥 出手救你 令到舖頭養得起我哋
  凡事有表哥哥 出面處理 令我晚黑有張棉被
  表哥表哥表哥表哥 食住包起我哋
(門外有拍門聲) 
眾人 焉個?
門外聲 姑媽呀。
眾人 姑媽姑媽姑媽姑媽姑媽
  姑媽冇碇徛
〈一慈就悲〉 
水大 做善事做過分 第日就實抱憾
  對你我冇惻隱 乞兒冇福分
  住落就實過分 我計較我心狠
  你個個正監躉 毫無疑問
  誃 若冇錢出街瞓
  誃 若凍死該慶幸
  誃 若覺得少福蔭
  查實你應去問問前生 貧賤到底焉一位責任
木工 未清有筆數目 疊單計到足 造貨架包買埋靚嘅木
  為等你筆數目 闔家要呷粥 望你好心找澌條大數
水大 你話你闔家呷粥,咁你闔家有幾人呀?
木工 四個。
水大 咁就廿五啦。
木工 吓?你傻㗎?唔得。
木工 二百 (水大:廿五)
木工 二百 (水大:廿五)
木工 二百 (水大:廿五)
木工 二百 (水大:廿五)
木工 二百 (水大:廿五)
木工 二百 (水大:廿五)
木工 二百 (水大:廿五)
木工 二百 (水大:廿五)
水大 嘿!唔要算數!
梅珠 若果你想繼續 重租我嘅屋
  就要先交半年嘅數目
  事關太多說話 令得我要縮
  話阿沈德身世 出身好偙
  花柳幾咁毒 又勾搭阿叔
  伴舞出街送埋泡泡浴
  賣身咁鬼折墮 就先要畀足
  避免翌朝死拗唔認數
水大 我睇呢間舖嘅生意唔慌好得去邊,冇理由要預交半年租金咁多嘅。兩個月啦……
水大 二百 (梅珠:六百)
水大 二百 (梅珠:六百)
水大 二百 (梅珠:六百)
水大 二百 (梅珠:六百)
水大 二百 (梅珠:六百)
水大 二百 (梅珠:六百)
水大 二百 (梅珠:六百)
水大 二百 (梅珠:六百)
梅珠 唔使講咁多,如果冇錢畀,就叫你表妹返去做返老本行啦!
水大 實在實在太弊 重有啲阻滯
  佢算計我表妹 租金要先惠
  蝕住做話咁易 蝕澌先出事
  要佢借等收檔 結局預知
警察 愛情唔係做買賣 佢甘作罪人 做人淪落重更壞
  翻到身先怪 賤到可以踩 佢的確失敗
  嫁人唔係做買賣 有夫婿認頭 做填房仍係偉大
  有錢有後台 若嫁人令佢強大 困局迎刃解 招親盡快
水大 睇住滿紙招親句 (警察:廿歲定八十)
  黑墨蘸起皆血淚 (警察:真心覓愛侶)
  好夢也許好風水
  誰料世間不將它記敍 (警察:錯配也登對)
  流落世間過活是誰 (警察:有福有分是誰)
二人 最終結局是誰 取
〈不能飛行〉
楊遜 依家所見駕駛艙各類人 冇一位有技能做機師
  敷衍塞責 對長官要奉承 對於考試就毋用費勁
  飛機各部 唔知點構造 憑乜請佢哋嚟做
  當天得我對飛機有熱誠 對於工作內容認識多
  機師手冊 我一早已讀明 哪知真相令人極掃興
  貪污舞弊 成功須作弊 唔甘心只得獻世
沈德 當天七歲養徂一隻雁 而冇徂一隻翼形象孤單
  偏偏跟我去玩兼過日辰 每天都結伴行大覺瞓
  岔開腳步 得好細步 停低等佢追到
  春天秋季 每當飛過雁群 佢心窩會下沉沒聲音
  雖則可以笑聲中過日辰 見到飛過雁群就氣憤
  天公作弄 全因得一隻翼
  明知 牠天天也都感觸多麼重
〈情若兒戲〉
沈德 面前下雨 心更多雨 是誰讓我跟你相遇
  情人是寄託 或施與 或掛念 到相處 像揭書
楊遜 未能獨處 需要相愛 但纏下去如下注
  難得到是偶遇 我心裡未怕輸
沈德 情若兒戲 記不起 情未兒戲 無盡期
  我感性的心扉 為你洞悉天機 受禮待的心 豐盛又完美
楊遜 情若兒戲 記不起 情未兒戲 無別離
  情是無非 開創傳奇 只需你伴我飛
沈德 面前直覺 心裡相信 是情是愛 將我滋潤
  言談剩半句 亦深信 未說盡 你心意 盛滿樽
楊遜 舊時獨處 失去支柱 現時共你能共處
  從心裡掉眼淚 看不見是雨水
沈德 情若兒戲 記不起
楊遜 若太兒戲
  情未兒戲 無別離
沈德 別要兒戲
二人 我感性的心扉 為你洞悉天機
  受禮待的心 豐盛又完美
楊遜 情若兒戲 記不起
沈德 面前直覺
  情未兒戲 更欣喜
楊遜 心裡知覺
二人 情是無非開創傳奇 只需你伴我飛
楊遜 多得你伴我飛
沈德 多得你伴我飛
  伴我 今晚上路去飛
楊遜 多得你 伴我飛
  那景致 美不美
  多得這樣美
沈德 多得你伴我飛
楊遜 好天氣
沈德 好天氣
〈好事多磨〉
老王 眾仙家 你哋知嗎 阿沈德芳心發嫩芽
  甜甜蜜蜜 成為事實 怕就快出嫁
  你知啦 佢熱戀嗎 拍拖好 花椒當麥芽
  情人面目 全無贅肉 都幾好相貌㗎
  佢煲粥 夾又煮菜 派通街 親戚夾道來
  前前後後 留埋食住 喫剩個煲蓋
  舖開張 佢又慷慨 送煙仔 煙鏟每日來
  隨緣樂助 無人例外 福心黐滿鑊蓋
  其實呢 佢家下 啲開銷多到嚇親人
  銀根就冇乜剩 無時無日拖慣數
  佢表哥 態度差咯 滿身火 燒燶個佛陀
  為人毒辣 麻煩迓迮 至傲氣不過
  靠表哥 買賣出貨 夠凶狠 觀音照落磨
  唯求利潤 唔求道義 黑心多折墮
  和合兼惹禍 都皆因表哥接手之過
三神仙 雲中三仙最終心都酸 信靠佢最初猛誓願
  誰知腰骨咁軟 黑心偏偏大過天
  雲中三仙再多三千天 世界變 變得更混亂
  良心風箏線斷 屍身山坑發現
  嘩 嘩 嘩
〈愛是明天〉
沈德 啊……啊……
  這壯闊和明媚的天空多精彩 昨晚我有段傳奇
  我去向和前路今天都找得到 世界對我實太好
  我看到四川的清晨 記掛昨晚的震撼
  回味著他的體溫
  上斜與行平路高高低低之間 我也會顧盼自豪
  沿途行條條路一切也風光好 兩腳貼到地最好
  我與這四川多親近 注滿了愛的慶幸
  抬頭望市心 今天更吸引
  過去有太多段摺痕 印記也縱使太深
  我有了那一夜旅行 我更會見到新生
沈德 搖搖頭提提步哼哼歌甩甩手 說說笑笑滿路途
石富 我我我時時亦想親身衝出街 撲向你惜啖更好
沈德 愛愛愛熾熱到死
石富 望實係自然合理
沈德 情人伴我飛 天空更優美
石富 從遙望已經 呼吸到香氣
沈德 情留在半空
石富 全為我愛你
沈德 我見到平凡路邊的一棵芳草 引我向往後路途
  再見到沿途上幾多的街坊 雙眼見證歲月美好
  我看到美麗四川 善行共善人共舞
  沿途是愛心 開解我苦惱
群眾 情人伴我心 將一切擁抱
沈德 沿途是美好
沈德及群眾 紅日快抱抱
〈意難平〉
沈德 自私令你在逃避 自私令你在迴避
  誰叫你吞了氣 不告發了無期 朋友叫冤你唾棄
  為公義照直承認 別一直冷淡沉靜
  而你卻不作證 使到我意難平 何以你失去血性
  令到證供轉眼粉碎 令到兇手更易脫罪
  如你再強忍暴行也會受到允許
  是非問責別沉靜 為公義你就承認
  能作證不作證 親眼見當無形 枉你亦有眼睛
  仰望城市 痛心太易 人心可怕 怎去制止
  冷酷如此 公允何處 怎去讓我自處
〈燒支煙〉
爺爺 食兩啖煙快活過 啊 當初努力過
  望住煙灰飛過 笑話我真傻 時代已經不屬我咯
弟婦 食兩啖煙你咪算囉
爺爺 人未老 大志都未老 想得到 去得到
  明白到 力到心未到 走不到 已經老
  聰敏累人 我得到半生辛勞
  削崩呢半張刀 肚餓時光強度
  菜刀變做剃刀 傷不到羽毛
老漢妻 時運到 就有好路數 可惜我 見不到
弟婦 窮受壓 就試歪路數 焉知道 會仆倒
老漢妻 追到盡頭 我得到滿室虛無 瓦坑生滿荒草
老漢妻及弟婦 我奈何中說道 半生發力跳高
老漢妻 攀不到呀富豪
眾人 人越老 就會好易冇 想高興 趁早
  唔順氣 亦要吞落肚 心火燥 更虛耗
  一世命途 我飽經各款煎熬 醉中一個嘔吐
  我話人生似霧 看不破就最好 燒枝煙慰勞
爺爺 食兩啖煙快活過
弟婦 食兩啖煙快活過
爺爺 食兩啖煙快活過
弟婦 食兩啖煙快活過
 
〈不再簪花〉
沈德 休再簪花 紅袖處披塊麻
  休作嬌花 忘掉了芳華 呀
  休再惜花 紅豆也不發芽
  休怕摧花 無道理 偏有牙
  不見煙花 簾外雨 通處爬
  不信春花 蟬亂噪 伴群鴉
女人 未見盡雲霞
男人 卻遇狼牙
女人 緒亂如麻
男人 願喝啖濃茶
眾人 若棄盡鉛華 剩了是銅牙
沈德 妙法願無瑕
眾人 不作嬌花 人受夠 心發麻
  不怕摧花 能自救 先脫牙
水大 不再惜花 人定獸 都會爬
  不再簪花 才學會 做奇葩
 
〈一枝花組曲‧落花〉 
楊遜 不必多說 愛戀只有肉麻 鴨蛋都當落霞認得嗎
  顛三倒四 愛得不見爛牙 愛戀只會令人漸退化
  不必說話 情歌高唱下 全身傾側知道嗎
  不須操控 意識都變亂麻 腦空空似是泥造娃娃
  輕輕一碰 再加一吻下爬 要私奔也立時願上馬
  不須計劃 情歌加對白 全身給這樣迷惑 甘心給搜刮
水大 寂靜就像索命 索去滿眼憧憬
  霎眼滿佈陰影 填殘命
  醒 面對火鎗口徑
  醒 命數彷彿已定
  醒 問我怎麼反應
  如被炸開血肉方殞命 誰是那荒野上大麻鷹
 
〈一枝花組曲‧惜花〉
邢氏 喂喂喂 要嫁得好咪搵花寧仔 欿嫁都要問仔細
  我有一位更得體 我呢一位有家底
  喂喂喂 理髮師好過位花寧仔 名譽夠大毋詐偽
  賣相敦厚又仔細 夠好身體有家底
  頭圓又心細 投緣就一世 就一世
石富 純白雪花 似天仙般降下 與番梘的泡沫飄蕩吧
  柔善似她 每一天都向善 種瓜得瓜我亦種枝花
  結婚喇 滿足吧 其實是我嗎 其實是我嗎 應該都係喇
  啊 啊 能下嫁太好喇 我心即刻想見她
  啊 啊 前世我積福先得到這造化
邢氏 喂喂喂 去到相睇要好好睇睇
  談話要上流雅麗 份禮須要係心細 要記得衣著得體
石富
邢氏 喂喂喂 你要得體過啲花寧仔
石富
邢氏 誠實禮貌毋詐偽 賣相敦厚實得米 記緊收身至相睇
石富 前世我積福先得到這造化
邢氏 頭圓又心細
石富 係嘩
邢氏 投緣就一世
石富 係嘩
邢氏 就得米
石富 係呀
 
〈一枝花組曲‧爭花〉
石富 明示夠嗎 你應該給撇下
楊遜 你先應退下 肥大冬瓜
石富 明話我啦 你慳返啲氣吧
楊遜 嫁豬玀嘅話 人哋笑㗎
石富 嫁給我 我聽話 承諾為了她
楊遜 她跟我話 肥豬休說話
石富 承諾為了她 完全為了她 花寧請便喇
楊遜 肥豬嘥聲壞氣喇
 
〈一枝花組曲‧飛花〉
楊遜 面前下雨 心更多雨 現時共你能共處
  從心裡 掉眼淚 看不見 是雨水
楊遜及沈德 情若兒戲 記不起
  情未兒戲 更欣喜
  情是無非 開創傳奇
  感激你伴我飛
楊遜 多得你伴我飛
沈德 多得你伴我飛
楊遜 皆因你伴我飛
沈德 皆因你伴我飛
楊遜 多得你伴我飛
沈德 多得你伴我
 
〈不做逃兵〉
沈德 後悔或期待 又怕出意外
  若我相信他的愛 何以心倦怠
  賀禮在場內 是我的障礙
  願我感覺到未來 投向他熱愛
  未有聲明 未有應承 便已深陷情定
  亂了心情 撞碎花瓶 但卻幽靜無聲
  如烈風 田陌之間飛過的蝗蟲 如像禿鷹將我拖入洞
  嘉賓道賀 亦不受用 風波重重 怕身家也斷送
  為這壞名字 換上新意義 為我改變遷移 楊遜可願意
  讓我深情 直上天庭 並向天下承認
  就算飄零 狀似飄萍 為愛不做逃兵
賓客 月滿掛天邊 酒杯到嘴邊 乾杯一添再添
  愉快過升仙 嘴巴裡抽煙 對酒當歌趁用膳
  飄香飄到入聖殿 鐘聲敲到水邊
  舉金樽笑話朗月 趁好風跟你會面
  漫舞再燒烟 曉風掃雙肩 拈花簪花擯辮
  食客有三千 舉杯向青天 醉得天仙也艷羡
  月滿掛天邊 酒杯到嘴邊 乾杯一添再添
  愉快過升仙 嘴巴裡燒煙 對酒當歌趁用膳
沈德 路有陰晴 路有不平 但信他願同命
  撥去陰霾 面向光明 做我身伴明星
楊太 太值得仰慕 做楊家新婦
  就快見得到 孩子飛得更高 身家會更高
  說話驕與傲 亦無非諗到
  若我去得早 而家焉得見到 際遇幾咁好
楊遜 依家考你 考心思推推理
  六十隻雞蛋 五個人 每人喫幾多
賓客 會分到一打咁多
沈德 即刻解答 解得通兼識答
  漉十隻雞蛋分畀五個人 每人得兩隻咋噃
楊遜 望天空 空望天 天天有空望空天
沈德 求人難 難求人 人人逢難求人難
楊遜 連理枝
沈德 並蒂蓮
楊遜 朋友千個少
沈德 冤家一個多
楊遜 萬両黃金容易得
沈德 一個知心最難尋
全體 月滿掛天邊 酒杯到嘴邊 乾杯一添再添
  愉快過升仙 嘴巴裡抽煙 對酒當歌趁用膳
  飄香飄到入聖殿 鐘聲敲到水邊
  舉金樽笑話朗月 趁好風跟你會面
  漫舞再燒烟 曉風掃雙肩 拈花簪花擯辮
  食客有三千 舉杯向青天
  醉得天仙也艷羡 醉得天仙也艷羡
 
〈楊枝曉露〉
沈德 你已鑽進潛伏到這世界
  乖乖踢我 赤腳冇換鞋
  對你我多麼好奇 與你哪天碰鼻
  何時學曉揸飛機
  世界抬頭在看你 天空中有你創傳奇
  你會隨年月長進 功績多到替你立碑
  你要向上飛 學習大鵬銳氣
  明日在半空 今天抱緊你
  情願餓過饑 都想餵飽你
  盤旋或遠飛 明日要看你
 
〈橫越黑街〉
沈德 我看見是暗黑的街 街燈都傾側 天氣壞
  似看到明日我的乖乖 瑟縮於深溝中給養大
  我看到埋在廢堆的刀 刀鋒側邊彎身的細路
  抱抱你無論你多污糟 只要及時逃離這血路
  這一刻想起以後 想得心間顫抖 難道乖乖要承受
  兒子出世要怎麼的走    我為以後要出手
  狼心狗肺挺起胸口  發誓以後變黑手
  能自救 不要淚流 做塊冰冷石頭 做鐵鈎
  再抱你橫越血腥黑街 穿過密如叢林的挫敗
  有了你 忘掉髮簪荊釵 將你面容完全的放大
  出身於花街柳巷 好媽媽不會恐慌 迎面急風與人浪
水大 不再惜花 人定獸 都會爬
  不再簪花 能自救 做奇葩
 
〈平步青雲〉
楊太 往日遺憾 已是無憾 如今他生性做人
  煙廠打躉 多麼幸運 為有表哥能憐憫
  處事圓滑 態度誠實 勤懇兼真摯待人
  關公觀音 給他萬幸 令到機會能漸近
  表哥見到一切 加返滿分咁傺
  私心放低澌 氣慨就更大
  器度才學 李白難學 楊家生出雞中鶴
  傾出真章 畢生絕學 煥發新生命如換殼
  一朝變得矜貴 識得更多細藝
  高薪再加厚祿 世界就冇問題
爺爺 原諒我不才 開荒我非天才
  所以被鞭策 千個世代
  活該 揚皮鞭對待 苦我只會忍耐
  誰站到高台 即使冇乜天才
  聽教就可愛 得到厚待
  做領班 毫不意外 鞭我打我忍耐
楊太 縱是難耐 也是無奈 無學識一生注定去抬
  一朝風光 書香萬代 讀過書識字能自愛
四川人 無事獻殷勤 終於上到青雲
  反轉件豬肚 迫我上陣
  做到死 糧期將近 分到好細嗰分
  勤力過春蠶 餐餐至死方還
  一個復一個 身勢破爛
  做領班 謀人餐飯 一句講澌好賺
楊太 縱是疲倦 也是情願 無學識一生注定打轉
  精英之選 秋水望斷 遇貴人出路無限遠
 
〈回憶太多〉
絲巾娘 人心太黑 難得觀音在近
  如今觀音偏卻跌落泥窞
  鄰居遠親 誰值得相知付託
  如今觀音消失心中記得
老王 我永遠記得 佢算有我心 無論係富或貧
  曾話過替我做人證 氣慨就如神佛降臨 誕生
水大 重新誕生 全因仙家護蔭
  留得青山一片救疾扶困
  回憶雨水 流入心依稀未退
  我錯愛舊情侶 結尾未能如願以償 告吹
楊遜 告吹了 棚屋太潮濕
  貨場大批煙葉 沒法可變賣 全部都濕水
  豁出去 棚屋勢難展翅
  唯獨搬新廠 重要將老弱辭退
水大 你收聲 快出去 別提換去誰
  有工開 最緊要 別留在此吹噓
楊遜 吹過涼風 每逢天雨循例你說話就會好憤怒 人極之急躁
水大 再急躁 毋須對人相告
  難道我氣怒 亦要稟告或呈報
楊遜 你不須要稟報 自由屬富豪
  正乞兒 掃走佢
水大 鬧人做乜
楊遜 想你好
老王 想你 而家對人相告
  如果沈德現已出意外 沉落西江水
楊遜 送水去 唔知你提焉個沉落西江水
  盡快急腳步離去
老王 佢蹤跡似失去 為何未見人
水大 夠關心 見不見亦毋用天天掛心
老王 人善人掛念 如若難再相遇 記憶更加相連
  懷孕時告別 隨住行李湮滅 有焉個可憐
楊遜 疑心更多 如電光心間掠過
  難測表哥奸計要是瞞我
  佔有過太多 錯過也更多 明白舊愛奈何
  懷孕了 血與脈流過
  我要奪權全力挽回 最初
沈德 回憶最初 如歌急速掠過
  瞞得一天 擔心風波更多
楊遜 瞞天過海 誰可
 
〈瞞天過海〉
眾人 瞞天過海 誰可輕輕越過
  除非 山崩傾瀉已活埋我
  我憤慨太多 要告發表哥 查明實況若何
  無論你厭棄定難過 也要在場期待判刑結果
  瞞天過海 誰可
 
〈從實招來〉
眾人 無論你 幾厚面皮 都要你講 供出一切
  令玄機攤開先審你
  魚肉我 煎我浸皮 迫我去死 搬出歪理
  係無非講錢不講理
石富 水先生都 堪稱鄉紳
梅珠 重係下任商會總理
石富 肯幫乞兒 打工翻身
梅珠 實在係做乜都肯
楊遜 其實你 只會自肥 將佢舖頭 收歸於你
老王 問良心 點樣抵得你
水大 維護佢 豈算自肥 生意結束 搵鬼識你
老王 但如今 只知益徂你
水大 好心一腔 終於清倉
老王 善行淨係沈德識幹
水大 慘遭陰乾 錢都花光 為食飯被迫開廠
眾人 水鬼上岸
 
〈尾聲〉
沈德 讓我現身 自己的聲音 安心與我親近
  為你認真 曾贈我福蔭 刻骨銘心教訓
  再現良心 太多抱憾 狼吞虎嚥 撕碎我身
  錯付郎君 最終抱憾 喬裝只盼 保我寸心
三神仙 思念你 高風與亮節觀音
  苦與甘 嘗盡人憐憫薄倖
  風或雨 心間照亮有青燈
  雲中三仙四川兜一圈 到結尾勝於過萬縣
  如今穩操勝券 只因找得善端
  雲中三仙四川兜一圈 見證到世間美或善
  雲深不知近遠 好心者不會變臉
  雲中三仙走足三千天 要領教世間惡定善
  如今好心已見 啟奏報告去上天
  雲中三仙走足三千天 (四川人:沈德沈德沈德)
  笑兩笑結束這路段 (四川人:沈德沈德沈德)
  良心一絲半線 (四川人:沈德沈德沈德沈德沈德)
  今天終於發現 (四川人:沈德沈德沈德沈德沈德)
  祝君安康壯健
本網站使用Cookie以提供最佳體驗及改善瀏覽速度,請確定您同意並接受我們的私隱政策再繼續瀏覽。接受Cookie